Ish-deputeti demokrat Astrit Patozi ka komentuar zgjedhjen e Gramoz Ruçit në krye të kuvendit të Shqipërisë, duke deklaruar se ai personalisht nuk do të ketë asnjë lloj impakti.
Sipas Patozit, vëmendja duhet përqendruar tek qeveria dhe fakti se kryeministri Rama ka ulur e shkrirë numrin e ministrive për të përmbledhur në një dorë të gjithë pushtetin ekzekutiv.
I ftuar në studion e lajmeve në Abcnews, Patozi tha se “Gramoz Ruci nuk do të ketë asnjë lloj impakti në atë që do të bëjë qeveria”.
“Rama pasi hoqi ministrat e LSI-së, që i kishte ferrë në këmbë, ka bërë një kabinet me pak ministra që ti ketë të gjithë në dorë. Pse nuk është e mirë kjo për qytetarët?
Sepse bashkimi i disa ministrive në një është që të përqendrohet pushteti në një dorë të vetme. Rama ska bërë gjë tjetër, vetëm ka transportuar pushtetin në duart e tij.
Një tjetër problem, ne nuk jemi Hollanda që të transportojmë ministritë e kabinetet. Ne jemi një vend i varfër. Dini ju gjë, psh në Gjermani, keni dëgjuar ju të ndërrohen ministritë nga qeveritë?
Sa më përfaqësuese të jetë qeveria, aq më e vështirë është të kontrollohet”, tha Patozi. /tesheshi.com/
