Astrit Patozi, ish-nr.2 i PD-së që tashmë i ndjek dhe i komenton zhvillimet në pozita asnjëanëse politike, tha se nga protesta studentore duhet të dalë me patjetër një parti e re politike.
“Uroj që kjo protestë të përfundojë me një forcë politike dhe me kërkesa politike. Kemi nevojë për një riformatim të demokracisë. Nuk jam për rrugë revolucionare. Edhe studentët më duken se janë të këtij qëndrimi pasi janë paqësorë”, u shpreh Patozi në Top Talk të TCH.
Ndërkohë, vetë studentët me të madhe e potencojnë faktin se protestat e tyre janë jo-politike dhe se qëndrojnë jashtë politikës.
Si gjithnjë kritik me Bashën, prej së cilit u la jashtë listave për deputetë, e si pasojë u vetëlargua nga PD, Patozi e konsideori opozitën të kapitulluar në raport me këto zhvillime.
“Bashën se ka ftuar njeri për të thënë se kush është zgjidhja. Studentët i kanë thënë që të qëndrojë larg
Opozita e kapitulluar, mezi po pret të komunikojë me ta dhe t’u thotë që do plotësojë jo vetëm ato që kërkojnë ata, por edhe shumë gjera të tjera. Por a e zgjidh kjo problemin?!”, u shpreh Patozi. /tesheshi.com/
