Duke folur tek “Të Paekspozuarit” mbi zhvillimet në PD, ish-deputeti i kësaj partie dhe një nga kritikët më të ashpër të Bashës, Astrit Patozi, artikuloi disa herë atë që është e zakonshme në ligjërimin politik të Ben Blushit nga e majta: pyetja retorike “Dhe a e dini pse?
Kjo konsiderohet dhe si fraza më e shpeshtë, deri në parazitizëm e Blushit në rrethanat e të folurit publik.
Ndërsa huazimi dhe futja në përdorim prej Patozit, duket se shkon natyrshëm me faktin se ky i fundit është shndërruar në ekuivalent të Blushit nga e djathta, me të vetmin dallim që Patozi nuk është shkrimtar dhe nuk ka mbajtur kurrë ndonjë post publik, siç Blushi në vitet e qeverisjes së Nanos.
Vitet e fundit që të dy u skicuan si figura oponente karshi liderve respektivë në partitë përkatëse, ndërkohë që dhe në paralament nisën të bëjnë diferencën me fjalimet e tyre për nga kualiteti politik dhe letrar. /tesheshi.com/
