I ftuar në News 24, një ndër kundërshtarët më të ashpër të Lulzim Bashës në PD, Astrit Patozi, po kaq të ashpër e ka patur dhe gjuhën, teksa e ka quajtur kreun e vetëngrirë të PD-së si një “qen të rrahur” të Ramës.
Sipas tij, Basha po e çon PD-në drejt shuarjes si forcë politike. “Mund të vijë një ditë që të mbeten vetëm selitë e PD-së, por njerëz më jo”, tha Patozi.
Duke e konsideruar situatën e demokratëve si dramatike në drejtimin e Bashës, si dhe në përpjekjen e këtij të fundit për ta rimarrë partinë, sipas Patozit, me një garë farsë, ish-deputeti demokrat i është referuar dhe kryeministrit Rama, duke thënë se ai tashmë e konsideron LSI-në si partinë kryesore opozitare dhe jo PD-në.
Ndërsa sa i përket kandidimit të tij përballë Bashës, gjë që nuk ndodhi, Patozi tha se mund të ishte një “Selam”. /tesheshi.com/
