Alexandre Pato-s, ish-sulmuesit të Milanit vite më parë, i jepet mbase mundësia e fundit që të lërë gjurmë në futbollin europian.
Ai ka nënshkruar një kontratë katërvjeçare me skuadrën spanjolle të Vilarealit, për të debutuar në një kampionat ku shumë prej bashkëkombasve të tij kanë patur sukses.
Pato qe pjesë e Çelsit në Angli në muajt e parë të këtij viti, i huazuar në janar. Dy paraqitje bëri ai në Premier League, duke mos treguar thuajse asgjë nga cilësitë e tij.
Teksa do t’i bashkohej Milanit në vitin 2007, ai do të cilësohej si një prej lojtarëve me shumë të ardhme, veçse dëmtimet e shumta i detyruan italianët ta shisnin pas gjashtë vitesh.
Në 2013-tën do të kthehej në Brazil, për të nisur tani, pas tre vitesh një tjetër aventurë në Spanjë.
“Jam shumë i lumtur për këtë sfidë të re në karrierën time me Vilarealin,” shkroi sulmuesi 26-vjeçar në rrjetet sociale.
Pato ka luajtur në 28 takime me kombëtaren braziliane, duke shënuar dhjetë gola. Forma e dobët e ka lënë atë tashmë janë përfaqësueses. /tesheshi.com/
