Patëllxhanët janë një pjatë e shpejtë dhe e thjeshtë, e cila realizohet me patëllxhanë të prerë në kuba, të skuqur dhe më pas të mbuluar me domate të grira. Kjo pjatë është tipike e gastronomisë së fshatit dhe të lejon mundësinë që patëllxhanët t’i prisni në mënyra dhe forma të ndryshme (përveç se në kuba). Lejon edhe përzierjen me ullinj e kaperi, por nëse doni patjetër që mund ti shtoni edhe speca e majdanoz.
Përgatitja
Lani mirë dhe thani patëllxhanët. Më pas prijini në kuba apo në forma të tjera, si të dëshironi. Hidhini në vajë të nxehtë dhe skuqini për 10 minuta dhe pasi të keni mbaruar, vendosini në një letër të thatë, në mënyrë që të ikë vaji i tepërt. Gjatë kësaj kohe, prisni me thikë ullinjtë dhe pak hudhër.
Hidhini në një tigan, përziejini me dy lugë vajë dhe më tej shtoni domatet. Lërini në zjarr për 5 minuta dhe më pas hidhni edhe patëllxhanët. Përziejini mirë dhe lërini bashkë në zjarr të ulët për 5 minuta. Mos harroni ti shtoni kripë dhe piper në fund. /tesheshi.com/
