Deputeti socialist dhe ish-gazetari Alfred Peza ka thyer më në fund heshtjen duke lëshuar një zë në debatin e shpërthyer në median shqiptare lidhur me pasurinë e tij. Me anë të një statusi në FB ai shprehet mjaft entuziast nga fakti që Inspektoriati Shtetëtor i Kontrollit dhe Verifikimit të Pasurive ka marrë vendim për ta kaluar në sitë pikërisht pasurinë e tij.
“Mirëpres kontrollin e plotë dhe hetimin administrativ që ILDKPKI ka nisur sot në lidhje me pasurinë e familjes time. Inkurajoj ILDKPKI t’i shkojë deri në fund, me shpejtësi, paanësi dhe profesionalizëm këtij hetimi të thellë e shterues. Nxis institucionin që me të njëjtën ndjeshmëri dhe seriozitet të hetojë këdo nga të zgjedhurit e Kuvendit të Shqipërisë, të zgjedhurit lokalë dhe persona të tjerë subjekt i hetimit nga ana e këtij institucioni, sot e në vazhdimësi, për të cilët ka patur, ka apo do të ketë indicie të njëjtë apo të ngjashme”, shkruan Peza.
Ishtë një kërkesë e bashkëshortes së tij ditë më parë për të blerë aksione në Credins Bank në vlerën e 1 miliard lekëve, ajo që provokoi debatin e madh dhe e vuri në shënjestër të gjykimit publik ish-gazetarin sot deputet i mazhorancës. Fakt është se Alfred Peza, drejtues i disa mediave të rëndësishme shqiptare për afro 15 vite, është paguar në kuota mjaft të larta. Por ai kurrë nuk është përfolur si i përfshirë në afera. /tesheshi.com/
