Pasuria e Thaçit, Mustafës e Veselit: ja sa para kanë në bankë dhe automjetet private që posedojnë

Nga Blendi Gashi

Agjencia Anti-Korrupsion ka publikuar në ueb-faqen e saj pasuritë e zyrtarëve të lartë publikë. Si edhe çdo vit tjetër ata kanë deklaruar pasuri të majme, si para të gatshme të ruajtura në bankë, banesa të mëdha e shtëpi, e vetura të shtrenjta.

Pasuri të tillë kanë deklaruar sivjet edhe tre krerët e institucioneve kryesore, presidenti Hashim Thaçi, kryeministri në detyrë Isa Mustafa, dhe kryekuvendari në detyrë Kadri Veseli.

Ndërsa Thaçi vazhdon të paguajë ende një kredi të marrë më 2009, Mustafa e Veseli nuk kanë obligime ndaj bankave. Ndërsa të tre kush më shumë e kush më pak përkundër harxhimeve të mëdha kanë arritur të kursejnë mjaft para në banka.

Më poshtë tesheshi.com ju sjell pasurinë e tre krerëve të politikës kosovare, sigurisht atë çfarë e kanë deklaruar.

Pasuria e Thaçit:

Ka deklaruar pagën vjetore si president në vlerë prej 31.956 dhe përfitim prej 8782 euro në vit nga mëditjet.

Tokë bujqësore 7 hektarë, trashëgim nga familja në vlerë 180 mijë euro (e përbashkët)

Shtëpi 250 metra katrorë, , trashëgim nga familja në vlerë 80 mijë euro (e përbashkët)

Veturë Audi në vlerë 15 mijë euro nga kursimet

Para të gatshme në NLB Bank në vlerë 16.373 euro

Para të gatshme në Banka Ekonomike në vlerë 290 mijë euro (para nga shitja e shtëpisë)

Para të gatshme bashkëshortja në Raiffaisen Bank në vlerë 1500 euro

Detyrime të  24.406 euro nga kredia 100 mijë euro e marrë në afatin kohor (01.01.2009 deri 01.12.2018).

Paga vjetore e bashkëshortes Lumnijes në vlerë prej 18 mijë euro që merr si profesoreshë në Kolegjin privat Fama.

Pasuria e Mustafës:

Ka deklaruar pagën vjetore si kryeministër në vlerë 16.944 euro dhe mëditje nga qeveria në vlerë 7375 euro

Shpërblime vjetore nga Akademia e Shkencave dhe Arteve në vlerë 16 mijë e 440 euro

Paga si profesor në Fakultetin Ekonomik në vlerë 2721 euro.

Shtëpi  180 metra katrorë, trashëgimi në vlerë 138 mijë euro

Tokë  (1/2 e 2.41 hektar), trashëgimi në vlerë 365 mijë euro

Posedim i 6.4 % të aksioneve në Kolegjin Riinvest në vlerë prej 39 mijë 900 euro.

Para të gatshme në banka, 2413 euro në Bankën për Biznes dhe 63 mijë euro në bankën Pro Credit

Mustafa nuk ka detyrime financiare për dallim nga presidenti Thaçi

Pasuria e Veselit:

Ka deklaruar rrogën vjetore si kryekuvendar mbi 33 mijë euro dhe mëditje në vlerë 3994 euro

Banesë 114 metra katrorë vlerë 97 mijë euro e blerë në vitin 2001

Banesë tjetër 207 metra katrorë në vlerë 125 mijë euro e blerë në vitin 2009

Shtëpi 350 metra katror e trasëguar në vitin 167 por nuk i ka cekur vlerë

Veturë e tipit “Jeep” në vlerë 16 mijë e 300 euro të blerë në vitin 2014

Në emër personal ka të ruajtura në bankën Raiffaisen 20.869 euro, kurse në Bankën Kombëtare Tregtare ka të deponuara mbi 16 mijë franga

Nuk ka paraqitur detyrime financiare ndaj bankave

Bashkëshortja e tij Violeta ka të ruajtura në Raiffaisen Bank 5773 euro

Ka deklaruar pagë vjetore të bashkëshortes në vlerë 4 mijë e 907 euro që merr nga buxheti i shtetit por nuk e ka cekur vendin e punës

Si dhe pagë vjetore poashtu në emër të bashëshortes në vlerë 15 mijë e 920 euro nga lokali i kompjuterëve Kobit PC. /tesheshi.com/