Shumë pak dihet për krerët e Agjencisë Kosovare të Intelegjencës. Krejt çfarë i servohet publikut për këtë institucion të pavarur është kur emërohen drejtusit e saj. Njëjtë ndodhi edhe muaj më parë kur u emërua si kryespiun Driton Gashi, njeri i afërt me PDK-në. Ai zuri vendin e Agim Selimajt i cili u shkarkua nga politika por edhe sot e kësaj dite arsyet mbeten engimë.
Por si edhe për çdo zyrtar tjetër të shtetit edhe për kryespiunët qytetarët kanë mundësi të informohen diç më shumë kur publikohet pasuria e tyre nga Agjencia Kundër Korrupsionit, pasi e kanë obligim ligjorë të tregojnë çfarë pasurie kanë ata dhe familjarët e afërt.
Dhe në deklarimin e 2017-tës këtë e kanë bërë drejtori i AKI-së Driton Gashi, zv.drejtori Latif Merovci dhe inspektori Shkëlzen Sopi.
Të tre kanë pasuri të majme, si shtëpi, banesa, tokë, vetura të shtrnjeta por megjithatë kanë edhe borxhe, pa kredi në banka.
Driton Gashi, kryespiun
Ka deklaruar pagë vjetore 14.667 euro dhe meditje në vlerë 2593 euro
Ka deklaruar shtëpi 220 m2 në vlerë 125 mijë euro të cilën thotë se e ka blerë nga shitja e banesës në vitin 2016.
Në bankë në emër të prindit ka deklaruar para të deponuara në vlerë prej 160 mijë euro. Thotë se këto para janë nga shitja e banesës dhe janë në llogari të babait.
Posedon veturë në vlerë 14 mijë euro, të cilën thotë se e ka blerë nga shitja e veturës paraprake por nuk tregon çfarë veture ka shitur dhe me çfarë çmimi.
Ka një kredi në vlerë me 30 mijë euro (afati kohor 15.04.2016 – 01.05.2023), thotë se e ka marrë për blerje të veturës dhe arsyeje tjera.
Poashtu ka deklaruar një pension vjetor të prindit në vlerë 1680 euro dhe pagë vjetore të prindit në vlerë 4704 euro.
Ka deklaruar pagë vjetore të bashkëshortes në vlerë 14 mijë e 400 euro dhe bonus në vlerë 1400 euro (burimi IQ to Link)
Latif Merovci, zv. drejtor i AKI-së
Ka deklaruar pagën vjetore në AKI në vlerë 16 mijë e 326 euro dhe mëditje prej 219 euro
Me rastin e udhëtimeve zyrtare në emer të shpenzimeve për ushqim dhe fjetje thotë se ka pranuar para të gatshme në vlerë 846.38 euro.
Posedon banesë 90 metra katrorë në vlerë 63,000.00 të cilët thotë se e ka blerë përmes kredisë, kursimeve,
Ka deklaruar 246 ari tokë në emër të prindërve në vlerë 246 mijë euro
Automjet në vlerë 7 mijë euro blerë në vitin 2013 nga kredi dhe kursimet familjare
Ka deklaruar para të gatshme në vlerë 350 euro në emër të bashkëshortes
Ka deklaruar dy kredi, njërën në vlerë 50 mijë euro për blerje të banesës në kohëzgjatje 2010-2020 dhe tjetrën në vlerë 4 mijë euro për nevoja familjare në kohëzgjatje 2015-2017
Ka deklaruar dhe pagën mujore të bashkëshortes në vlerë 440 euro.
Shkelzen Sopjani, inspektor në AKI
Pagë vjetore ka deklaruar në vlerë 15 mijë e 190 euro si dhe pagën vjetore të bashkëshortes në vlerë 9 mijë e 840 euro.
Në emër të tij ka deklaruar shtëpi banimi 140 metra katror në vlerë 110 mijë euro, të cilën thotë se e ka blerë përmes të ardhurave, pa treguar cilave saktësisht.
Kurse në emër të prindit ka deklaruar 73 ari tokë në vlerë 60 mijë euro. Poashtu truall 5 ari në vlerë 25 mijë euro dhe mal 350 ari në vlerë 35 mijë euro.
Poashtu ka deklaruar në emër të prindit banesë 77 metra katrorë në vlerë 34 mijë euro.
Ka deklaruar në emër të tij veturë në vlerë 6 mijë euro të blerë në vitin 2013 nga kreditë dhe kursimet.
Para të gatshme të ruajtura në bankë në emër të vet në vlerë 690 euro dhe në emër të bashkëshortes 6700 euro.
Ka dy kredi, një në emër të vet në vlerë prej 25 mijë eurove në kohëzgjatje 2016-2021 dhe kredi në emër të gruas poashtu në vlerë 25 mijë euro në kohëzgjatje 2016-2021. /tesheshi.com/
