Me gjasë, njeriu që do zëvëndësojë Gledis Nanon e shkarkuar nga Drejtor të Përgjithshëm të Policisë së Shtetit, do jetë Muhamet Rrumbullaku, një emër që vjen nga Policia e kohës së Berishës, madje si pjesë e grupit të ashtuquajur “Çiftelia”, quajtur kështu një lloj zijafeti i krerëve policore të kohës me në krye Agron Kuliçajn, duke ngrënë, pirë e kënduar me çifteli.
Muhamet Rrumbullaku, përveç si zyrtar karriere në Policinë e Shtetit, nuk i thotë asgjë publikut për ndonjë aftësi të veçantë apo rekord në luftë me krimin. Thënë ndryshe, në kohën që krimi në Shqipëri, i galopuar fuqishëm vitet e fundit, meriton një Edmond Kosen, Muhamet Rrumbullaku s’është i tillë. Së paku deri tani. Kjo ndoshta dhe ngaqë s’i janë besuar detyra që kanë të bëjnë me përballje direkte me krimin, siç do të jetë kjo e Kryepolicit shqiptar.
Deri më tani ai ka mbajtur detyrën e kreut tëAgjencisë së Mbikëqyrjes Policore, detyrë që do e marrë Ardi Veliu, paraardhës i Gledis Nanos, larguar me dorëheqje. /tesheshi.com/
