Pas shumë vitesh në plazhin e Godullës, përgjatë bregut të Adriatikut në zonën e Kurbinit, është kryer një investim me pastrimin e afro 4 km vijë bregdetare.
Dy muaj më parë disa mjete u angazhuan në largimin e mbetjeve urbane që prej 20 vitesh kishin mbuluar këtë zonë, ndër më të virgjërat. Por mali i mbetjeve ende ndodhet pranë zonës së rërës, dhe ajo çka është shqetësuese, ujrat e lumit Ishim kanë sjellë sërish mbeturinat duke e ndotur një pjesë të plazhit.
Tashmë ndodhemi në pikun e sezonit turistik dhe shenjat janë që pushuesit nuk e preferojnë këtë zonë. Jo vetëm nga mbetjet, por dhe nga infrastruktura jo optimale.
Aty mungon gjithashtu energjia elektrike dhe uji i pijshëm. /tesheshi.com/
