Rihapet dosja ku përmendet Ilir Meta. Prokuroria e Krimeve të Rënda kërkon konfiskimin e llogarive bankare të Kastriot Ismailaj, ish-administratorit të DIA-s, kompani që mblidhte borxhet e CEZ-it.
Më konkretisht, organi i akuzës kërkon konfiskimin e llogarisë bankare me vlerë 3.2 milionë dollarë dhe rreth 450 mijë euro, pas hetimit pasuror që u krye në kuadër të ligjit “Antimafia”.
Në bazë të informacionit, kanë rezultuar dyshime se nëpërmjet shoqërive të krijuara dhe administruara nga Kastriot Ismailaj, janë kryer transaksione financiare pa logjikë ekonomike, me burime të ardhurash të dyshuara nga aktivitete te paligjshme kriminale.
Nga hetimet e zhvilluara në kuadër të hetimit të këtij procedimi penal, ka rezultuar se Ismailaj është ortak apo administrator i disa shoqërive tregtare të regjistruara në Shqipëri, të cilat përgjithësisht nuk kanë aktivitet tregtar.
Kjo do të thotë se ekzistojnë të dhëna për pastrim parash. Ismailaj ka qenë anëtar bordi i CEZ i emëruar nga Ilir Meta./tesheshi.com/
