Howard Wilkinson, një bankier britanik në degën Estonisë Danske Bank, dëshmoi këtë javë para parlamentit danez duke dhënë detaje për një skandal korrupsioni që ai vetë zbuloi dy muaj më parë.
Banka më e madhe e Danimarkës, Danske Bank, dyshohet për pastrim parash nëpërmjet degës së saj të Estonisë, e cila prek jo vetëm reputacionin e saj, por dhe imazhin e Danimarkës, si një vend i vështirë për çdo lloj korrupsioni. Komisioni Europian ka konstatuar se është fjala për një “skandal korrupsioni më i madhi në Evropë”, vlerësojnë disa media.
Wilkinson shpjegoi më tej në parlament se si po ndodh operacioni kriminal, ndërsa Reuters përmblodhi hollësitë kryesore të skandalit.
Sipas Reuters, rreth 200 miliardë euro shkuan në llogaritë e jorezidentëve të një filiali të vogël estonez të Danimarkës në periudhën 2007-2015. Në fund, banka zhvilloi një hetim që përfundoi në shtator dhe tregon se shumë prej këtyre transaksioneve ishin të dyshimta.
Shumica e pagesave janë bërë nga Estonia, Rusia, Letonia, Qiproja dhe Mbretëria e Bashkuar, tha raporti.
Për të fshehur identitetin e të përfshirëve, janë përdorur kompani të rreme.
Pagesat u drejtuan në Estoni, Letoni, Kinë, Zvicër, Turqi, Britani të Madhe dhe më shumë se 150 vende të tjera. /tesheshi.com/
