Një fushatë në Kosovë për zhbërjen e një Urdhëri Adminstrativ për mosmbajtjen e shamisë së shkolla, ka sjellë dhe një reaksion islamofob, ku ka veçuar një përfaqësues fetar, kreu i Kishës Protestante Ungjillore, pastor Femi Cakolli.
Edhe pse vjen nga jeta fetare, për më tepër nga një besim me bazë abrahamike, ai, në një reagim është endur mes ateistit dhe nacionalistit folklorik, gati duke i bërë një sulm shamisë, që për më tepër ka dhe bazë biblike(Maria është e mbuluar).
“Kisha Protestante Ungjillore e Kosovёs (KPUK) pёrmes kёsaj komunikate shprehet kundёr bartjes sё shamisё dhe ushtrimit tё fesё nёpёr shkolla publike dhe nё cilindo institucion shtetёror e publik, si dhe kundёr vendosjes sё
simboleve religjioze nёpёr institucionet komunale e shtetёrore, e qё mjerisht janё tё shumta e shpeshta kudo nёpёr Kosovё”, thotë njeriu që përfaqëson një besim, pa specifikuar se cilat janë ato simbole. Më tej, ai shfaqet si atdhetar i thekur kur jep direktiva diktuese për një komunitet të tërë që nuk ka zgjedhur ta pyesë atë se ç’duhet të bëjë, por që kërkon të jetojë siç ia dikton besimi, Zotit që i beson, gjë që sjell pikëpyetjen se kujt Zoti i beson pastori protestant?!
“KPUK-u ёshtё i bindur se populli shqiptar, kultura dhe shkolla shqipe kanё rrjedha tё tjera kombёtare e historike krahasuar me popujt e tjerё nё rajon dhe mё gjerё, prandaj duhet ruajtur e kultivuar këtë identitet jetik e homogjenitet nacional pa u cenuar e fetarizuar prej asnjё ane religjioze, politike dhe interesave tjera antishqiptare e antishtetёrore”, shkruan Cakolli, duke bërë lëmsh se pari besimin e vet, e rrjedhimisht duke tentuar ta diktojë këtë lëmsh që ka në kokë te besimi i tjetrit.
Tjetra: ç’lidhje ka shamia me interesa antishqiptare e antishtetërore?! Më kot të ketë një përgjigje të arsyetuar. Është thjeshtë çështje lëmshi.
Në fund, pastori kosovar rezervon dhe një “perlë”: “KPUK e pohon dhe kёmbёngul se shamia nё vete nuk ёshtё njё simbol fetar pasi kjo gjendet nё tё gjitha besimet, kulturat e popujt edhe para Krishterimit a Islamit. Kёshtu populli shqiptar e ka ruajtur deri mё sot veshjen e tij kombëtare edhe pse ka ndёrruar a pranuar religjione tё ndryshme”.
Pastori që mëton se jeton me urdhërat e Zotit, referuar Biblës, shfaqet këtu si ateist me idhuj nacionalistë, ndërkohë që duhej të kishte ezauruar ABC-në e besimit, zbatimin e urdhërave hyjnore, paçka vendit ku jeton dhe nacionalitetit që ke, sepse prevalon hyjnorja mbi tokësoren dhe jo e kundërta. Shamia s’është simbol por obligim fetar dhe këtë obligim e ka zbatuar ndër shekuj kush ka patur besim, pa u penguar të vishet edhe kombëtarisht. /tesheshi.com/
