Pepe, mbrojtësi që pranon më shumë faulla se sa që shkakton!

Qendërmbrojtësi i Real Madridit, Pepe njihet si një futbollist i ashpër, kjo dhe për shkak të karakterit të tij. Mirëpo në realitet nuk del të jetë i tillë. Portugezi, që kur erdhi në kryeqytetin spanjoll ka shkaktuar 245 faulla, ndërsa ka pranuar 314. Kjo statistikë mbresëlënëse ka ardhur nga koha e Carlo Ancelottit i cili ka ndryshuar rrënjësisht sjelljet e portugezit.

Për më tepër, Pepe është mbrojtësi i dytë në Kampionatin Spanjoll që rikuperon më së shumti topa: pas çdo 14,4 minuta bën një ndërprerje. Para tij del të jetë vetëm mbrojtësi i Barcelonës, Gerard Pique me 14,04 minuta. Dy kolegët e repartit të tij të mbrojtjes, Ramos e Varane qëndrojnë prapa tyre (15 minuta).

Problem tjetër për portugezin ishin mungesat e tij, qoftë për lëndime apo suspendime. Në vitin 2011, Pepe ishte i pranishëm në vetëm 47% të ndeshjeve që i zhvilloi Madridi. Tani kjo shifër ka arritur deri në 60%, falë edhe ndryshimit të karakterit të tij. Në tetë sezona sa ka zhvilluar në Madrid, Pepe ka zhvilluar 275 ndeshje dhe ka realizuar 11 gola. Nëse shkon gjithçka mirë këtë edicion mund ti afrohet shifrës prej 300 ndeshjeve, mirëpo sezona 2015/16, do të ishte ideale për ta bërë një gjë të tillë. /tesheshi.com/