Tërmeti i këtij 26 nëntori 2019 në të gdhirë, anën më tragjike ka rrëzimin e pallateve. E kjo ndodh “për herë të parë” në historinë e tërmeteve në Shqipëri. Ai i para dy muajve, ndodhur në orët e pasdites, u shoqërua nga një sinjal pozitiv në raport me forcën e lëkundjeve, se ndërtimet e reja në Shqipëri po u rezistojnë tërmeteve.
Pra, pos negativiteve të rrafshit urban në valën e ndërtimeve, po veçohej fakti se ato ishin gjithsesi cilësore. Por në tërmetin e fundit, rrëzimi i disa pallateve e ndërtimeve më të vogla si vila, rrëzoi dhe këtë pretendim.
Gjithashtu rrëzoi dhe mitin e “pallateve të Enverit” si më rezistente se erës demokratike. Kjo u pa në Thumanë me dy-tre sosh që u shkërmoqën si lodra fëmijësh. E nga ana tjetër, kemi pallate deri dhe hotele ndërtuar së voni, të cilat po ashtu u rrëzuan, apo u dëmtuan rëndë.
Ndërkohë, në dy tërmetet me viktima të kohës së komunizmit, i 67-ës në Dibër e Librazhd, si dhe i 79-ës në Shkodër me Bahcallëkun e Dajçin e rrafshuar, ato që u shembën e zunë njerëzit poshtë ishin shtëpi private, por të ndërtuara me material të dobët në rezistencë. /tesheshi.com/
