Pandemia e virusit koronar do të rrisë numrin e njerëzve në Bashkimin Evropian të cilët do të përballen me rrezikun e urisë, paralajmërojnë ekspertët.
Miliona njerëz tashmë kanë humbur vendet e tyre të punës për shkak të pandemisë, dhe shumë ekspertë presin që pasojat negative ekonomike do të vazhdojnë pasi të vihet nën kontroll, sipas botimit evropian të faqes së internetit Politico.
Si rezultat, një numër edhe më i madh i njerëzve do të humbasin punën e tyre, gjë që do të ndikojë në aftësinë e tyre për të siguruar ushqim për veten dhe anëtarët e familjes së tyre.
Recesioni ekonomik
“Ne do të jemi në një recesion ekonomik që ndoshta nuk është parë që nga vitet ’30, që do të thotë se numri i njerëzve që përballen me pasiguri kur bëhet fjalë për furnizimin me ushqim në të vërtetë do të dyfishohet”, tha Jacques Vandenschrik, presidenti i Federatës Evropiane të Bankave të Ushqimit (FEBA).
Edhe pse, për shkak të mbrojtjes sociale që ekziston në vendet e BE-së, pasojat në Evropë mund të mos jenë aq të rënda sa në vendet e tjera të botës, furnizimi me ushqim i popullatës ende mund të rrezikohet, veçanërisht në vendet më të dobëta ekonomikisht, tha Vandenschrik. /tesheshi.com/
