Isam Abu Zeribe, ministri i brendshëm i qeverisë lindore të Libisë, tha se janë gjetur trupat e më shumë se 2000 personave që humbën jetën për shkak të reshjeve të dendura në qytetin Derna dhe ku numri i të zhdukurve ka arritur në 7000.
Ebu Zeribe e tha këtë në një deklaratë për televizionin AlHadath.
Një anëtar pa emër i Dhomës së Përfaqësuesve të Tobruk tha për Anadolu se më shumë se 2,000 njerëz humbën jetën vetëm në qytetin e Derna.
VIDEO 📹: About 2,000 people are feared dead and thousands more are missing in the Libyan city of Derna after a flash flood swept entire neighbourhoods into the Mediterranean, a Libyan leader has said https://t.co/4FgKGXtPvg pic.twitter.com/BId4rf3N1S
— The Times and The Sunday Times (@thetimes) September 11, 2023
Kryeministri i Qeverisë së Unitetit Kombëtar në Libi, Abdulhamid Dibeybe, ka bërë të ditur se janë shpallur tre ditë zie për të vdekurit nga përmbytjet në atë vend.
https://twitter.com/i/status/1701212733796937863
Stuhia “Daniel”, e cila goditi Mesdheun qendror, ka prekur qytetet libiane Bengazi, Beida, Merck, Susa dhe Derna.
Autoritetet në Libinë lindore kanë marrë një sërë masash, duke përfshirë pezullimin e orëve të mësimit në të gjitha institucionet arsimore publike dhe private, mbylljen e dyqaneve dhe shtetrrethimin, në përgjigje të stuhisë apokaliptike. /tesheshi.com/
