Kreu i partisë kryesore opozitare të Turqisë tha sot se elektriciteti ishte ndërprerë në shtëpinë e tij, pasi ai refuzoi të paguante faturën për dy muaj në shenjë proteste ndaj rritjes së madhe të çmimeve të energjisë.
“Energjia është një e drejtë themelore e njeriut. Doja të isha zëri i atyre që nuk mund të paguajnë,” tha kreu i Partisë Popullore Republikane (CHP) Kemal Kilicdaroglu në një video që postoi në Twitter.
Kilicdaroglu tha në shkurt se ai do të ndalonte pagesën e faturave të energjisë elektrike dhe bëri thirrje për ndalimin e rritjes së çmimeve.
Ai tha sot se gruaja e tij e kishte informuar se rryma ishte ndërprerë në shtëpinë e tyre në Ankara, duke shtuar se rnergjia elektrike u është ndërprerë pothuajse 3.5 milionë abonentëve turq, por pa dhënë një burim për këtë informacion. /tesheshi.com/
