Ministri i shëndetësisë i Jordanisë dha dorëheqjen të shtunën pasi gjashtë vetë vdiqën nga mungesa e oksigjenit në një spital COVID, ku më pas policia ndërhyri për të mbajtur të afërmit e zemëruar, raportoi media shtetërore.
Tragjedia ndodhi në spitalin e ri qeveritar në Salt, në perëndim të kryeqytetit Amman, ku thuhet se u mbarua oksigjeni në njësitë e kujdesit intensiv.
Një zëdhënës i qeverisë tha se kryeministri Bisher al-Qassawneh i kishte kërkuar ministrit të Shëndetësisë Natir Obeidat të jepte dorëheqjen lidhur me ngjarjet sepse ai duhej të mbante “përgjegjësi morale” për të.
Obeidat shpjegoi se hetimi fillestar tregoi se gjashtë persona kishin vdekur, pasi e nuk mund të merrnin oksigjen.
Pas vdekjes së pacientëve, mbreti Abdullah i Jordanisë gjithashtu vizitoi spitalin.
Një rritje e madhe e rasteve me COVID-19 është raportuar në Jordani, gjë që kryesisht i atribuohet një varianti më ngjitës britanik të virusit. /tesheshi.com/
