Izraeli ndaloi dhe dëboi dy anëtarë të parlamentit britanik, duke ua ndaluar hyrjen si pjesë e një delegacioni parlamentar, tha Sekretari i Jashtëm britanik, David Lammy.
Deputetët laburistë Yuan Yang dhe Abtisam Mohamed fluturuan nga Londra në Izrael të shtunën dhe iu refuzua hyrja sepse dyshohej se kishin planifikuar të “dokumentonin aktivitetet e forcave të sigurisë dhe të përhapnin urrejtje kundër Izraelit”, njoftoi Sky Neës, duke cituar një deklaratë nga Ministria e Imigracionit të Izraelit.
Lammy tha në një deklaratë se veprimet e Izraelit ishin “kundërproduktive dhe thellësisht shqetësuese”.
“Unë ua kam bërë të qartë kolegëve të mi në qeverinë izraelite se kjo nuk është mënyra për të trajtuar parlamentarët britanikë dhe ne kemi kontaktuar të dy deputetët këtë mbrëmje për t’u ofruar atyre mbështetjen tonë,” tha ai.
“Qeveria e Mbretërisë së Bashkuar mbetet e fokusuar në sigurimin e kthimit të një armëpushimi dhe negociatave për të ndaluar gjakderdhjen, lirimin e pengjeve dhe përfundimin e konfliktit në Gaza.”
Vitin e kaluar, Izraeli e shpalli Sekretarin e Përgjithshëm të Kombeve të Bashkuara Antonio Guterres “të padëshirueshëm“, duke e ndaluar atë të hynte në vend. Dy anëtarëve të Parlamentit Evropian iu refuzua hyrja në shkurt.
Vrasjet
Ndalimi i deputetëve britanikë vjen pasi Izraeli përballet me një reagim të ashpër pasi një video e një prej 15 mjekëve palestinezë të vrarë nga forcat izraelite muajin e kaluar kundërshtoi pretendimet izraelite se automjetet e viktimave nuk kishin sinjalet e tyre të emergjencës kur trupat hapën zjarr mbi ta në Gazën jugore.
Videoja tregon ekipet e Gjysmëhënës së Kuqe dhe të Mbrojtjes Civile Palestineze duke ecur ngadalë me drita ndezëse në ambulanca, të shënuara dukshëm, teksa ndalojnë për të ndihmuar një ambulancë që ishte qëlluar më herët.
Automjetet e tyre bien menjëherë nën zjarr, i cili zgjat më shumë se pesë minuta me pushime të shkurtra, tregon video. Tetë anëtarë të Gjysmëhënës së Kuqe, gjashtë punonjës të Mbrojtjes Civile dhe një punonjës i OKB-së u vranë në të shtënat para agimit më 23 mars.
Ushtria izraelite tha më parë se hapi zjarr ndaj automjeteve sepse ato po “përparonin në mënyrë të dyshimtë” drejt trupave aty pranë pa drita apo sinjale emergjence.
Pra, si gjithnjë, kemi të bëjmë jo vetëm me një shtet mizor e gjenociodal, por dhe mashtrues e të paskrupullt. Kujtojmë në këtë rast se politika britanike është ndër investueset e krijimit të shtetit izraelit, sigurisht për për t’i hequr qafe nga vetja dhe Europa. /tesheshi.com/
