Funeralin e Shay Bradley nuk mund ta kishte organizuar askush si ai vet. Teksa e shihte veten në shtratin e vdekjes, ai megjithatë nuk e kurseu energjinë për t’i bërë familjen dhe miqtë që në momentet e varrimit të qeshin me lot. Badley gjithmonë kishte qenë i tillë.
Në një video virale shihen pamjet nga funeral i irlandezit, dhe fokusohet momenti kur familja dhe miqtë mblidhen rreth arkivolit. Në ato momente, papritmas një zë del nga varri. Bradley e kishte regjistruar zërin e tij duke trokitur në dërrasë dhe duke thënë: “Përshëndetje, a po më dëgjoni…, a më duket se e dëgjova zërin e priftit… më nxirrni nga këtu.
Anne, gruaja e tij, kishte shpjeguar se familja e ngushtë ishte në dijeni të regjistrimit.
Në fillim, familja dhe miqtë duket se janë të hutuar nga ajo që po ndodh, por shpejti, e qeshura bëhet e pakontrolluar.
Kjo ishte një “dhuratë e fundit” e Shay Bradley për njerëzit që i kishte dashur dhe i kishte bërë të qeshin sa ishte gjallë.
Për shumicën prej nesh, funeralet nuk janë vend për shaka, përcillen me pikëllim dhe reflektim serioz. Por paska edhe nga ata që insistojnë se duan të përcillen për në amshim në të njëjtën mënyrë si erdhën në botë: të rrethuar nga e qeshura. /tesheshi.com/
