Titaniku u mbyt 108 vjet më parë, por kujtimi për të mbetet, veçanërisht pas filmit James Cameron, i treti më i shikuari i të gjitha kohërave.
Brynjar Karl Bigisson nga Reykjavik, Islandë, një djalë autik, vendosi, kur ishte 10 vjeç, që të bënte Titanikun me Lego. Për këtë ju deshën 11 muaj.
Brynjar tani ka thënë që projekti ndryshoi jetën e tij.
“Legot janë një pjesë e rëndësishme e fëmijërisë time. Unë kam qenë gjithmonë vetëm, duke luajtur vetëm, kështu që legot u bënë miqtë e mi më të mirë. Ndërsa ndërtova, unë përdora dhe zhvillova imagjinatën dhe krijimtarinë time. Nuk mbaj mend që të ndjehesha i vetmuar,” i tha ai Bored Panda-s.
Kur ishte 9 vjeç, Brynjar shkoi të vizitojë Legoland në Danimarkë.
“Unë pashë të gjitha modelet e mëdha për herë të parë dhe isha i magjepsur nga madhësia dhe struktura e tyre e ndërtimit,” tha ai, duke shtuar se ai ishte i fiksuar me anijet në të njëjtën kohë.
Gjyshi i tij e ndihmoi të bënte një udhëzim dhe draft të veçantë për Titanikun, dhe nëna e tij bëri një faqe për mbledhjen e fondeve, në mënyrë që të mund të mblidhte paratë e nevojshme për të blerë lego.
Atij iu ofrua hapësirë në një depo për të bërë modelin ku vinte çdo ditë pas shkollës dhe ku punoi 3-4 orë në ditë në mbi 11 muaj. /tesheshi.com/
