Përfaqsuesja serbe e basketbollit pësoi një humbje të thellë nga ekipi i SHBA-ve në finale e Rio-s, me diferencë prej 30 pikësh.
Dhe në show-un e njohur të komedianit Conan O’Brian, ky i fundit vendosi që të tallet me ekipin serb, pikërisht për shkak të disfatës së thellë që pësoi në finale nga Dream Team-i amerikan.
Conan O’Brian tha se si të drejtat televizive nuk ia lejojnë që ta transmetojnë para audiencës regjistrimin e gjithë ndeshjes finale, në të cilin amerikanët shpartallojnë serbët me rezultatin 96:66, ndaj ka vendosur që pjesë të ndeshjes të përsëriten para publikut të tij.
Menjëherë në skenën prapa komedianit shfaqen dy lojtarë të vërtetë basketbolli me fanela amerikane duke luajtuar kundër dy vogëlushëve, të cilët të pafuqishëm shikojnë lojtarët më të gjatë dhe më të moshuar se ata duke futur topat në kosh.
E, pse serbëve nuk ju ka pëlqyer hiç ky humor, mund ta kuptoni edhe vetë nga ky klip i shkëputur nga episodi i fundit i “Conan O’Brian Show”. /tesheshi.com/
