Ish-Guvernatori i Bankës së Shqipërisë, Ardian Fullani, ka paditur Kuvendin dhe Bankën e Shqipërisë, nën akuzën e largimit të padrejtë nga puna. I shpallur i pafajshëm nga gjykata, për vjedhjen e 713 milionë lekëve në Thesarin e Shtetit, Fullani duket se po kërkon të pastrojë imazhin.
“Nuk kërkoj kompensim për burgun e padrejtë. Padia bëhet për shkarkimin e padrejtë nga posti i guvernatorit të Bankës së Shqipërisë”, ka thënë Fullani.
Këshilli Mbikëqyrës i Bankës së Shqipërisë votoi për shkarkimin e Adrian Fullanit nga posti i guvernatorit, në vitin 2014 pas skandalit financiar dhe më tej shkarkimi u votua dhe miratua nga Parlamenti.
Ai akuzohej për shpërdorim detyre, pas vjedhjes së 713 milionë lekëve në Bankën e Shqipërisë. Fullani u shpall i pafajshëm në tetor të vitit 2015. /tesheshi.com/
