Kreu i KQZ-së, Denar Biba hodhi poshtë me anë të një postimi në Facebook akuzat e kreut të Opozitës, Lulzim Basha se është një kukull në krye të institucionit që administrin zgjedhjet. Basha e quajti atë “idjot” por kjo duket se nuk ka merituar përgjigje në reagimin e Bibës, i cili ftoi Bashën të regjistrohet në zgjedhje, ashtu si do bënte çdo opozitë që kërkon të vijë në pushtet dhe të zbatojë programin e vet politik.
Biba thotë se deklaratat e tij vazhdimisht interpretohen si qëndrime të PS-së, por kjo, thotë ai, nuk është e vërtetë.
“Nderkohe une do vijoj të jem ai që kam qenë gjithmonë, cilatdo qofshin interesat e ditës së partive politike”, përfundon Biba.
Një ditë më parë, Basha tha se “një KQZ në këto kushte është kukull siç është kukull kjo KQZ me këtë kryetar idiot dhe të papërgjegjshëm që u thotë shqiptarëve tani që po vjen data e mosregjistrimit me vullnetin e mirë unë jam gati ta shtyj edhe 90 ditë”. /tesheshi.com/
