E krijuar për herë të parë në vitin 1964, Nutella është emri i një brendi italian të ëmbëlsirës kaq të dashur nga fëmijët, të bërë nga çokollata. Prindërit mendojnë se është një ushqim shumë i shëndetshëm, edhe për shkak të përmbajtjes së lajthive në të, e ndaj jua japin fëmijëve ta konsumojnë pa asnjë problem, pa ditur shumë efekte negative të saj në organizëm. Megjithatë, sipas ekspertëve, përfitimet nga Nutella nuk ekzistojnë. Për shembull, në dy lugë gjelle Nutella ndodhen 11 gramë yndyrë dhe 21 gramë sheqer, i cili ka 200 kalori. Një çokollatë normale përmban 12-16 gramë yndyrë dhe 250 kalori.
Sipas etiketës së publikuar në kavanoz, Nutella përmban: “Sheqer, vaj palme, lajthi, kakao, qumësht, minerale të reduktuara, vaj soje, vanilje dhe aroma artificiale”.
Pra, sheqeri është përbërësi i parë ndërsa lajthitë janë në vend të tretë. Tani le të shikojmë më thellë për ‘të mirat’ që këta përbërës ‘natyralë’ të vendosur në Nutella, i japin trupit.
Vaji i palmës
Në vitin 1997 është vërtetuar se vaji i palmës rrit kolesterolin në gjak. Një studim tjetër i vitit 1999, tregon për efektet e dëmshme që vijnë nga oksidimi i vajit të palmës, i gjetur në shumë ushqime, përfshirë edhe Nutellën. Ky vaj, kur oksidohet prodhon lëndë toksike dhe dëmton veshkat e zemrën.
Hirra e reduktuar (mineralet e reduktuara)
Hirra është një produkt që prodhohet nga nënproduktet e lopës, e cila në shumë raste ushqehet me produkte OMGJ, hormone dhe antibiotikë. Për ta përdorur atë ten Nutella, hirra tahet dhe 90% e vlerave të saj ushqyese, të cilat janë të shumta, humbasin, duke e bërë thuajse të pavlefshme atë.
Vaji i sojës
Është një produkt që prodhohet nga trajtimi me një proces kimik i sojës.
Vanilja
Në fakt përdoret vanilin dhe jo vanilja e pastër. Vanilin është një lloj produkti i pregatitur në laboratore, duke përdorur naftën dhe në të vërtetë vetëm aromën ka të vaniljes./tesheshi.com/
