Festime të mëdha u shënuan dje në rrugët e Libanit, pasi protestuesit që kërkuan rënien e qeverisë festuan dorëheqjen e kryeministrit Saad Hariri.
Megjithatë shumica thanë se kjo ishte thjesht një fitore fillestare e një beteje që do të zgjasë.
“Ky është hapi i parë i mirë por ne ende do të jemi në rrugë,” thotë për Al Jazeera Pierre Mouzannar, regjisor nga Bejruti.
“Hariri është pjesë e problemit, por ai nuk është i gjithë problemi … Unë jam i bindur se të gjithë e dinë se ende nuk kemi përfunduar.”
Për shumë demonstrues në kryeqytet, lajmi për dorëheqjen e Haririt ishte një nxitje e rëndësishme në lëvizjen e tyre gati dy-javore.
Në një rrugë që çon në sheshin Riad al-Solh, një artist pikturonte flamuj libanezë në fytyrat e kalimtarëve. “Ai duhet të kishte dhënë dorëheqjen më herët, por më mirë vonë se kurrë – dhe ne morëm atë që donim”, thotë ai.
Por dorëheqja e Haririt në asnjë mënyrë nuk i plotëson shpresat e protestuesve për një ndryshim rrënjësor të politikave.
“Hapi i dytë është të kthehen paratë që kanë vjedhur politikanët nga ne. Atëherë ne do t’i mbajmë të gjithë përgjegjës dhe Zoti është në anën tonë,” thotë një protestues.
Kur ra terri, qindra libanezë sheshin Riad al-Solh këndonin së bashku himnin kombëtar. Shumë përqafoheshin ndërsa dikush edhe qante.
“Kjo të do të jetë arritja më e madhe për gjeneratën time. Të fitosh luftën e këtij niveli me politikanët tanë, është e pabesueshme” thotë Nabil, një inxhinier 30-vjeçar.
Tani, çështja më e madhe është se si Libani – një nga vendet me më së shumti borxhe duhet të shmangë kolapsin financiar, dhe kjo është cështje ditësh. /tesheshi.com/
