Qeveria spanjolle po përgatit një ligj që ndalon punën e Fondacionit Francisco Franco, krijuar për të mbrojtur reputacionin e ish-diktatorit, tha kryeministri Pedro Sanchez.
Më shumë se gjysmë milioni njerëz vdiqën në Luftën Civile Spanjolle të viteve 1936-39.
Historianët vlerësojnë se regjimi i Frankos vrau rreth 150,000 njerëz, pothuajse 450,000 prej të cilëve u detyruan të largoheshin nga Spanja.
Populli spanjoll është ende i ndarë për diktaturën e Frankos, e cila përfundoi me vdekjen e tij në 1975.
“Ne do të ndalojmë dhe shpallim të paligjshëm të gjitha fondacionet qëllimi i të cilave është të mbrojnë reputacionin e diktaturës së Frankos, siç është Fondacioni Francisco Franco,” u tha Sanchez ligjvënësve.
Por Juan Chicharro Ortega, presidenti i fondacionit, beson se ndalimi do të shkelte Kushtetutën Spanjolle.
Ndalimi i financimit
“Ai ligj (të cilin ata po ideojnë) nuk është asgjë më shumë sesa një përpjekje për të larguar vëmendjen e publikut nga mënyra katastrofike që qeveria po administron pandeminë dhe mijëra vdekje,” tha ai.
Ligji duhet të ndalojë publikun dhe institucionet e financuara nga publiku të glorifikojnë diktaturën, tha zv.kryeministri Carmen Calvo.
Fondacioni, i cili u themelua në 1976, pas vdekjes së Frankos, nga simpatizantët e tij, nuk merr asnjë donacion financiar nga institucionet publike.
Qeveria e Sanchez ndërmori një numër hapash për të hequr simbolet e diktaturës, mes tyre zhvendosi dhe eshtrat e Frankos një mauzoleum, ku kishin qenë për 44 vjet, në një varrezë më pak të njohur në periferi të Madridit.
Ligji “Përkujtimi Demokratik” duhet të financojë zhvarrosjen e trupave të viktimave të Luftës Civile Spanjolle dhe diktaturës të varrosur në varre masive, u tha Calvo gazetarëve.
Javën e kaluar, një gjykatë vendosi në favor të qeverisë në një mosmarrëveshje me trashëgimtarët e diktatorit mbi pronësinë e pallatit në provincën veriore të Galicisë. /tesheshi.com /
