Dy ditë pas përplasjeve fizike dhe tymueseve brenda dhe jashtë Kuvendit, gjatë votimit të kryeprokurores së përkohshme Arta Marku, ambasadori amerikan, Donald Lu duket se ka kërkuar “paqe” me drejtuesit e opozitës, të cilët i vizitoi në selitë e tyre. Kështu, Lu mbajti takime të ndara me Lulzim Bashën dhe me Monika Kryemadhin.
Opozita e cilësoi antikushtetues procesin e zgjedhjes së Markut dhe u përpoq ta ndalonte votimin e saj në Kuvend, por ndërkohë ambasadorët e SHBA-së dhe BE-së kanë dënuar dhunën dhe kanë qenë pro emërimit të kryeprokurorit të përkohshëm.
Takimi me Bashën nisi rreth orës 11:00 dhe përfundoi rreth orës 12:05 minuta të mesditës së sotme. Zyrtarisht nuk ka asnjë deklaratë lidhur me përmbajtjen e këtij takimi, ndërsa pritet një deklaratë për median e kreut të PD-së. Një ditë më parë, Basha i cilësoi Lu e Vlahutin si ambasadorë të Ramës. /tesheshi.com/
