Të krishterët kudo në botë kremtojnë sot Pashkët, e kjo si asnjëherë tjetër për shkak të pandemisë koronare. Megjithatë, në Shqipëri, në një meshe “vetmitare” drejtuar nga kreu i katolikëve George Frendo, prej këtij të fundit u soll në kujtesë viti ’97.
“Ndërsa zakonisht ju takoj në këtë kishë katedrale nëpërmjet televizorit.
Çdo vit kremtojmë festën e Pashkëve, por në një situatë të ndryshme.
Më kujtohet kur kam kremtuar Pashkët për herë të parë në Shqipëri, marsi i 1997, gjatë kremtimit kam parë disa besimtarë duke qarë, por unë kujtova fjalët e Jezusit, që ai tha pak orë para se ushtarët ta kapnin për ta çuar drejt kryqit u tha apostujve, ju do të hidhëroheni, por hidhërimi juaj do të kthehet në gëzim”, arqipeshkvi me origjinë italiane.
“Sot po bëjmë shumë sakrifica por le të hedhim me shpresë një shikim drejt një të ardhmeje që do të kurorëzojë të gjitha sakrificat që po bëjmë këto ditë“, tha ai, duke shtuar se Shqipëria ka nevojë për heronj e jo të tillë që ikin. /tesheshi.com/
