Pasaportat e Singaporit dhe të Japonisë janë më të fuqishmit në botë për vitin 2018, ka bërë të ditur sistemi i rangimit vjetor. Dy vendet në fjalë kanë rrëzuar nga froni Gjermaninë, e cila një vit më parë zinte vendin e parë, ndërsa tani zë vendin e dytë, e ndjekur nga Danimarka, Finlanda, Franca, Italia, Spanja, Suedia e Koreja Jugore, të cilat së bashku ndajnë vendin e tretë.
Kurse vendin e katërt e ndajnë Portugalia, Austria, Mbretëria e Bashkuar, Norvegjia dhe Holanda, kurse të pestin Kanadaja, Zvicra, Irlanda dhe SHBA-ja.
Ndërkaq Kosova radhitet në vendin e 97, së bashku me Libanin, Iranin dhe Bangladeshin, kurse pas tyre Eritrea (98), Libia e Nepali (99), Jemeni (100), Somalia (101), Pakistan (102), Siria (102), Iraku (104) dhe Afganistani (105).
Nga rajoni, Sllovakia dhe Sllovenia pozicionohen më së miri, gjegjësisht ndajnë pozitën e 12-të. Kroacia gjendet në vendin e 20-të, e ndjekur nga Serbia (41), Mali i Zi e Maqedonia (47), Bosnja (52) dhe Shqipëria (54). /tesheshi.com/
