Pasaporta e Kosovës është ndër më të pavlerat në Ballkan pasi renditet e fundit në listën e “Passport index”, platformë kjo online që tregon renditjen e pasaportave në mbarë botën. Kosovarët me pasaportën e tyre mund të udhëtojnë pa viza vetëm në 41 vende të botës.
Ndërsa pasaporta më e çmuar në Ballkan mbetet ajo e Greqisë në vendin e gjashtë, të cilët pa viza mund të udhëtojnë në 154 vende, pasuar nga pasaporta e Sllovenisë (vendin e 9). Ndërsa me pasaportat e Bullgarisë dhe Kroacisë mund të udhëtohet pa viza në 144 vende. Serbia është e 37-ta në radhë (112 vende), Turqia dhe Mali i Zi në vendin 43 (105). Bosnja është e 47-ta (101) dhe Shqipëria e 48-ta (96).
Pasaorta më e çmuar në botë mbetet ajo e Gjermanisë dhe e Singaporit.
Qytetarët e këtyre vendeve mund të udhëtojnë pa viza në 159 shtete. Dy vendet e përmendura ndiqen nga Suedia dhe Koreja e Jugut (158 vende), transmeton albinfo.ch. Në vendin e tretë vijnë: Danimarka, Finlanda, Italia, Franca, Spanja, Norvegjia, Britania e Madhe, Japonia dhe SHBA (157).
Në të katërtin: Luksemburgu, Zvicra, Holanda, Belgjika, Austria dhe Portugalia (156). Në rangun e pestë pastaj radhiten: Malajzia, Irlanda dhe Kanada (155), e në të gjashtin vijnë Greqia, Zelanda e Re dhe Australia (154). Malta dhe Islanda figurojnë me numër shtatë (153), numër tetë është Hungaria (151), nëntë Sllovenia, Sllovakia, Polonia, Lituania, Letonia (150), dhe në vendin e dhjetë në këtë ranglistë është pasaporta e Estonisë (149).
Në fund të listës së “Passport index“, e cila renditet e199-ta në botë është Afganistani, Pakistani dhe Iraku. Me pasaporta e të cilave mund të udhëtojnë pa viza në rreth njëzet vende./tesheshi.com/
