Shumë emigrant shqiptarë kanë gjetur belanë me pasaportat e fëmijëve, pa e ditur se afati i tyre 10-vjeçar nuk vlen. Shumë syresh, gjatë kthimit drejt vendeve ku punojnë e jetojnë në Perëndim, pasi kanë festuar Vitin e Ri në atdhe, janë ndeshur me këtë fakt gjatë kalimit në dogana.
Kështu, në portin e Durrësit ka patur fluks shumë të madh udhëtarësh në kthim, të cilët veç rradhës janë përballuar dhe me këtë problematikë. Shumë prej tyre janë detyruar të kthehen pas prej fëmijëve, për t’u siguruar atyre pasaportë të re.
Vendimi që pasaportat e fëmijëve të mos vlejnë 10 por 5 vjet, doli javë më parë nga qeveria. Por jo tyë gjithë kanë qenë të informuar, gjë që ka shkaktuar shumë problematika.
Ditë më parë, aktori Erand Sojli u ndesh me këtë problem duke u detyruar të anullojë pushimet në Francë, për shkak se fëmijëve u kishte përfunduar pasaporta, jo me vitet e shkruara aty por me vendimin e qeverisë, për të cilin ai nuk ishte i informuar. Fotoja e shkrimit, ka pikërisht dy vajzat e Sojlit, të dëshpëruara pas kthimit pas në Rinas.
/tesheshi.com/
