Pasaporta e Kosovës për nga rëndësia, pra vendet që mund të vizitohen pa viza është në “fund të pusit”, pasi renditet në vendin e 96-të nga 104 vende.
Sipas kësaj rang-listë kosovarët pa viza mund të udhëtojnë vetëm në 38 shtete, dhe është në grup me Bangladeshin, Iranin dhe Libanin.
Nga vendet e rajonit, Shqipëria është në vendin e 52-të me liri të lëvizjes në 100 shtete. Më së miri gjendet Sllovenia e cila gjendet në vendin e 11 me 167 vende ku mund të udhëtohet pa viza. Më pas vije Kroacia në vendin 21-të (155 shtete pa viza), Serbia në vendin e 41 (119 shtete pa viza), Maqedonia e 46-ta, Mali i Zi në vendin e 48, Bosnja 51, etj.
Krejt në fund të listës janë Siria me 28 vende udhëtim pa viza, Iraku 27 dhe Afganistani që në vetëm 24 vende mund të udhëtojnë pa viza.
Ndërkaq, lartë në listë pas Gjermanisë në vendin e parë, janë Singapori, Danimarka, Finlanda, Franca, Italia, Japonia, Norvegjia, Britania e Madhe dhe SHBA-ja. /tesheshi.com/
