Kryeministri Edi Rama reagoi mbi zgjedhjet në Akademinë e Shkencave ku nënshkryetari dhe kryetari ndërruan pozicionet.
“Meqë “Akademia” zgjodhi farsën uroj të gjejnë dhe fondet për vijimin e farsës! Fondet tona do t’i shkojnë universitetit për kërkim shkencor”, shkruan Rama në një postim në rrjetet sociale pasi Gudar Beqiraj, ish-nënkryetar u zgjodh në krye të Akademisë së Shkencave, ndërsa Muzafer Korkuti nga drejtues morri postin e mbetur vakant.
Prej ditësh ka pasur një debat të ashpër në lidhje me Akademinë e Shkencave të nisur nga akademiku Artan Fuga, pasi sipas tij ky institucion është jofunksional.
Ai madje i shkroi edhe një letër kryeministrit Rama ku ndër të tjera vinte në dukje se ishte kërcënuar që të mos fliste më për Akademinë.
Sot pak orë para votimit reagoi edhe vetë kryeministri Rama i cili theksoi se nëse nuk reformohet Akademia nuk do marrë asnjë lek nga shteti, madje do i merret edhe godina./tesheshi.com/
