Pas zgjedhjes së Gramoz Ruçit në postin e Kryetarit të Kuvendit me 80 vota pro, kreu demokrat Lulzim Basha dhe disa prej deputetëve të PD-së, iu bashkuan protestës së organizuar nga shoqatat e ish-të përndjekurve politikë.
Protesta nisi rreth orës 18:00, ndërsa iu bë thirrje deputetëve që të pengojnë zgjedhjen e Gramoz Ruçit në këtë post.
Pro kandidaturës së tij votuan edhe dy deputetë të PD-së, pasi 19 ligjvënësit e LSI nuk morën pjesë në votim.
Nuk dihet se cilët nga deputetët demokratë votuan pro Ruçit, për shkak se votimi ishte i fshehtë, por edhe ata që kanë votuar pro, pas seancës iu bashkuan protestës së ish-të përndjekurve. /tesheshi.com/
