Numri dy i qeverisë serbe, Ivica Daçiq, ka mbërritur në Kosovë, në një vizitë fundjave me shpresën se do të fitojë pikë patriotike në fushatën elektorale që ka arritur kulmin në Serbi.
Forca të shtuara të policisë së Kosovës janë parë në kufirin e Merdarës, për të krijuar një ambjent të qetë për Daçiqin.
Shefi i diplomacisë serbe do të vizitojë kishat e Deçanit, për t’i mëshuar asaj që Beogradi e quan “trashëgimia kulturore e popullit në Kosovë”, të cilat janë nën mbrojtjen e UNESCO-s. Daçiq pritet të takohet edhe me klerikët serbë.
Një javë më parë, Kosovën e vizitoi Kryeministri serb, Aleksandër Vuçiq dhe disa ministra të partisë së tij. Daçiq është kryetar i Partisë Socialiste Serbe, pasardhës i Sllobodan Millosheviqit. /tesheshi.com/
