Pas premtimit të Thaçit për vizat se liberalizimi i tyre do të ndodhë këtë vit, ka ardhur edhe premtimi më i ri për formimin e ushtrisë. Por këtë premtim nuk e ka bërë presidenti por Rrustem Berisha, ministri i Forcës së Sigurisë.
Ai ka treguar se i kanë kryer të gjitha përgatitjet e nevojshme për të arritur transformimin e FSK-së në Forca të Armatosura.
“Buxheti për transformimin e ushtrisë ka shënuar rritje. Ushtria do të bëhet në fillim të këtij viti”, ka deklaruar Berisha në një intervistë për “Indeksonline”, pa dhënë një datë të saktë se kur mund të ndodh.
I pyetur se a do të jetë pengesë Lista Serbe në votimin për ushtrinë në Kuvend, Berisha ka theksuar se do të punojnë në këtë drejtim që të arrihet një konsensus i përbashkët edhe me komunitetin jo-shumicë.
Kujtojmë se shefi i tij, kryeministri Haradinaj gjatë fushtëz zgjedhore premtoi se ushtria do bëhet brenda 90 ditëve të tij si udhëheqës i qeverisë, por kjo nuk ndodhi. /tesheshi.com/
