Një ditë pasi kryeministri në një thirrje të papreçedentë u kërkoi të gjithë drejtorëve të hipotekave që të japin dorëheqjen brenda 24 orëve kanë ardhur dorëheqjet e para.
Sipas oranews këta janë drejtorët që kanë dhënë dorëheqjen akoma pa u mbushur ky afat;
Drejtori i Hipotekës së Elbasanit, Oltjon Kokunja
Drejtori i Hipotekës së Gjirokastrës, Meleq Karabina
Mimoza Kola, kreu i komanduar i Hipotekës Fier
Ajo ka thënë se “Do të jenë ata që do të vendosin nëse unë do të rikthehem përsëri pas verifikimeve që ata do të bëjnë”.
Drejtori i komanduar i Hipotekës së Shkodrës, Ilir Dibra që ka zëvendësuar drejtorin e Hipotekës së shkarkuar gjatë fushatës elektorale Edmond Ndou po zhvillon një mbledhje me stafin dhe sipas informacioneve paraprake mësohet se ky i fundit do të diskutojë mbi procedurën e firmosjes së dorëheqjes së tij. Dibra ka thënë se vetëm pas përfundimit të mbledhjes do të bëjë me dije vendimin përfundimtar të tij mbi largimin apo jo nga ky post.
Drejtori i komanduar në Durrës Ardian Kona që zëvendësoi Andi Durmishi vijon punën normalisht
Drejtori i Hipotekës së Beratit, Robert Koci, i cili ka marrë detyrën vetëm një muaj më pare ende nuk është paraqitur në punë, por nuk ka ndonjë deklaratë për dorëheqje.
Një ditë më parë Rama mblodhi krerët e hipotekave.
“Nga i pari tek i fundit duhet të shkruani dorëheqjen tuaj dhe të largoheni nga detyra që të gjithë pa asnjë përjashtim! Komplet! Firmosni dorëheqjen sot që të paktën të ikni me dinjiteti fundor nga kjo punë. Pamje më e shëmtuar dhe më kuptimplotë për katandinë e marrëdhënieve të shtetit me qytetarin sesa kjo e hipotekave me njerëzit, nuk ka”, u tha Rama atyre. /tesheshi.com/
