Pas DASH, ka ardhur dhe reagimi i Brukselit në lidhje me deklarimet “sovraniste” të presidenti Meta. Ato janë cilësuar si të “papranueshme” nga zëdhënësja Koëijanëië, e cila dhe kjo e fundi ra preh e sulmeve verbale nga Presidenca shqiptare net më parë, pas një deklaratë ku kundërshtohej akti i Metës në dekretimin e Marsida Xhaferllari si anëtare e re e Kushtetueses.
“Deklaratat e përfaqësuesve të autoriteteve shqiptare dhe partive politike që vënë në dyshim integritetin e bashkësisë diplomatike të Bashkimit Evropian në Tiranë për qendrime të shprehura në cilësinë e tyre institucionale janë krejtësisht të papranueshme. Deklaratat dhe veprimet e përfaqësuesve të Bashkimit Evropian përfaqësojnë qëndrimet dhe pikëpamjet e BE-së”, thuhet në deklaratën e BE-së.
“Ne përsërisim mbështetjen tonë të plotë për punën e shkëlqyer që Ambasadori i BE-së dhe Delegacioni i BE-së po bëjnë për ta sjellë vendin më pranë Bashkimit Evropian”, vijon deklarata, duke iu referuar një sulmin të Metës ndaj Soreca-s.
“Bashkimi Evropian, të gjithë përfaqësuesit e tij dhe vendet anëtare po punojnë për t’i mbështetur në mënyrë efektive përpjekjet e Shqipërisë për t’i çuar përpara reformat thelbësore në dobi të qytetarëve shqiptarë”, thuhet më tej në deklaratë. /tesheshi.com/
