Kryebashkiaku i Jerusalemit Nir Barcat, tha se ka planifikuar që të largojë nga qyteti agjencinë e Kombeve të Bashkuara për refugjatët palestinezë – UNRWA, duke e akuzuar se punon në mënyrë të paligjshme dhe promovon nxitje kundër Izraelit.
Barkat tha se shkollat, spitalet dhe qendrat sportive të administruara nga UNRWA në pjesën lindore të Jerusalemit do të transferoheshin nën autoritetin izraelit.
Administrata e qytetit nuk ka shpallur kushte të sakta për zbatimin e planit, por tha se shkollat e ndjekura nga 1,800 nxënës do të mbyllen deri në fund të vitit aktual shkollor.
Barkat, i cili do të mbetet kryetari i bashkisë pas zgjedhjeve lokale në fund të tetorit, tha se masa përshpejton vendimin e Shteteve të Bashkuara për heqjen e 300 milion dollarë ndihma për UNRWA, të miratuar në fillim të këtij viti.
UNRWA u krijua gjatë luftës në vitin 1948 pas themelimit të Izraelit. Sipas vlerësimeve, rreth 700,000 palestinezë u evakuuan ose u dëbuan nga shtëpitë e tyre.
Në mungesë të një zgjidhjeje, Asambleja e Përgjithshme e OKB-së rinovoi mandatin e kësaj agjencie që tani ofron arsim, shëndetësi dhe mbrojtje sociale për më shumë se pesë milionë refugjatë dhe pasardhësit e tyre. /tesheshi.com/
