Presidenti i FIFA-s, Gianni Infantino, tha se katastrofa në një stadium në Indonezi, ku 174 njerëz vdiqën në një rrëmujë “është një tragjedi e paimagjinueshme”.
Të paktën 174 njerëz vdiqën të shtunën në një rrëmujë në një stadium në qytetin Malang, në pjesën lindore të ishullit Java, kur tifozët e zemëruar të skuadrës së mundur vendase hynë në fushë.
Më pas policia hodhi gaz lotsjellës në përpjekje për të kontrolluar situatën, e cila shkaktoi një rrëmujë në të cilën shumë njerëz u mbytën.
“Bota e futbollit është në tronditje pas incidentit tragjik në Indonezi”, tha Infantino, duke shtuar se është një “ditë e zezë për të gjithë ata që e duan futbollin”.
The state of football in my country, 127 died, more than 100 injured, this is so sad, sending prayers to the family of the deceased#kanjuruhan #AremavsPersebaya #indonesia pic.twitter.com/lWmOiMzq3r
— Bored Dude (@ProudCityzens) October 1, 2022
Kreu i FIFA-s dërgoi gjithashtu “ngushëllimet më të thella për familjet dhe miqtë e viktimave”.
“Së bashku me FIFA-n dhe komunitetin e futbollit, të gjitha mendimet dhe lutjet tona janë me viktimat dhe të lënduarit, si dhe me njerëzit e Indonezisë, Konfederatën e Futbollit Aziatik (AFC), federatën indoneziane dhe ligën në këtë kohë të vështirë”.
Tragjedia e ndodhur në Indonezi shkaktoi reagime në mbarë botën, ndaj u vendos që në stadiumet spanjolle para fillimit të ndeshjeve të ligës të dielën, të mbahet një minutë heshtje për të vdekurit në Malang, njofton LaLiga. /tesheshi.com/
