Pas Tiranës, edhe Prishtina është rreshtuar krah SHBA në qëndrimin e Uashingtonit për të mos e njohur më Maduron si president të Venezuelës.
“Kosova zyrtarisht njeh Juan Guaidó si presidenti të përkohshëm të Venezuelës. Në emër të popullit dhe Qeverisë së Kosovës, zotëri Guaidos dhe popullit të Venezuelës i urojmë dhe dëshirojmë gjithë të mirat në rrugën tuaj për të rivendosur demokracinë dhe ne qëndrojmë me ju derisa të kthehet liria”, shkroi ministri i Jashtëm Pacolli.
Ndërkohë, situata në Venezuelë vijon të jetë e trazuar. Maduro ka në krah ushtrinë dhe Gjykatën e Lartë, ndërkohë që e konsideron grusht shteti të diktuar nga Amerika, tentativën për ta rrëzuar nga pushteti. /tesheshi.com/
