Pas udhëhoqi një fushate me dy fjalë shndërruar në sllogane politike, “timon” e “tepsi”, tipike produkte të Edi Ramës, PS po vijon tashmë të promovojë një tjetër slogan, kësaj here paszgjedhor, e që është “vota kuqezi”.
E ngarkuar me valencë patriotike, ajo u artikuluar për herë të parë nga Rama, në fjalimin e fitores në sheshin “Skënderbej”. Dhe që atë ditë është legjitimuar si një tjetër sllogan politik.
Këtë të dielë, ishte Taulant Balla ai që e serviri në një takim me banorë të Bradasheshit në Elbasan,
“Ne e kemi lexuar votën e 25 Qershorit si një votë kuqezi dhe po kuqezi do të qeverisim në këto 4 vite. Tashmë jo në aleancë me partitë e interesave të vogla, por në aleancë dhe bashkëqeverisje me njerëzit e thjeshtë dhe të zakonshëm të këtij vendi. Është hera e parë pas 25 vitesh, që pas përfundimit të zgjedhjeve deputeti bashkë me kryetarin e bashkisë dhe me autoritete të tjera rikthehen përsëri në takime me njerëzit, për të identifikuar prioritetet kryesore të cilat ne mendojmë se duhen adresuar”, tha Balla.
Balla foli i lehtësuar nga pesha politike, pikërisht në një zonë ku LSI ka patur tejet pushtet, por që tani nuk e ka më, për shkak të rënies në opozitë. Ndaj, kësaj here Balla nuk qe i detyruar që të replikonte në distancë me rivalen e tij në zonë, Monika Kryemadhi. /tesheshi.com/
