Kryetari i Listës Serbe, Goran Rakiç, pas takimit të zhvilluar me presidentin serb Aleksandër Vuçiç ka deklaruar se kanë marrë mbështetjen e plotë për zgjedhjet lokale.
Rakiç shtoi se ishte i kënaqur me faktin se qeveria serbe dhe presidenti i Serbisë do të kenë objektiva prioritare për përmirësimin e kushteve për jetën e serbëve në territorin e Kosovës.
Kurse Vuçiç pas takimit me përfaqësuesit e Listës Serbe ka deklaruar se çështja e unitetit të popullit serb është një çështje e mbijetesës së tyre në Kosovë.
Ai më tej theksoi nevojën për të parandaluar përpjekjet për thyerjen e unitetit, që sipas tij, vjen nga qarqet e atyre që duan të dobësojnë kapacitetin për të realizuar të drejtat kolektive politike të serbëve në Kosovë. /tesheshi.com/
