Pas sulmit terrorist në aeroportin “Ataturk” në Stamboll që u mori jetën 28 personave dhe plagosi mbi 60 të tjerë, Presidenti i Turqisë, Rexhep TajipErdogan, bëri thirrje të martën në darkë për një “luftë të bashkuar” kundër terrorizmit.
“Nëse shtetet, ashtu si i gjithë njerëzimi, dështojnë që t’i bashkojnë forcat në një luftë të përbashkët kundër organizatave terroriste, atëherë të gjitha makthet tona do të bëhen të vërteta”, tha Erdogan në një deklaratë.
“Ne presim që bota, e në mënyrë të veçantë Perëndimi, të mbajë një qëndrim kundër lojës së organizatave terroriste, qofshin ato edhe administratë e tyre, parlamenti, mediat apo organizatat e tyre joqeveritare”, theksoi kreu i shtetit turk, në këto momente të vështira që po kalon vendi i tij, ku sulmet terroriste, pa asnjë shkak në dukje, nuk po kanë të ndalur. /tesheshi.com/
