Ministri në detyrë Blerand Stavileci, ka folur për herë të parë pas sulmit ndaj bashkëshortes së tij, që ndodhi të hënën në lagjen Veternik në Prishtinë.
Në një postim në Facebook, Stavileci ka postuar një fotografi me vajzën e tyre duke thënë se asgjë nuk i ndal dhe së shpejti do të jenë edhe pranë Vitores.
“Dita e parë në shkollë. Asgjë nuk na ndalë. Nuk jemi vetëm. Së shpejti me mamin këtu”, ka shkruar Stavileci në Facebook.
Kujtojmë se PDK-ja ka akuzuar Lëvizjen Vetëvendosjen për këtë sulm, por kjo e fundit përmes deputetëve të saj ka mohuar një gjë të tillë.
Bashkëshortja e ministrit nga radhët e PDK-së, u sulmua fizikisht nga dy persona ende të panjohur për policinë. /tesheshi.com/
