Ka mbushur plotë 6 muajshe me 2 nëntor dhe nuk është parë e as filmuar që prej ditës së pagëzimit të saj. Mirëpo, tani babai William dhe e ëma, Kate Middleton, kanë vendosur t’i prezantojnë botës të voglën Charlotte.
Në profilin e Instagramit, nën adresën Kensigton Palace janë shfaqur disa fotografi të papublikuara më parë të princeshës së vogël. Më sy të mëdhenj të kaltër, flokë të errët si të ëmës dhe fytyrën e bardhë, pikërisht si i vëllai George. “Duka dhe dukesha shpresojnë që të gjithë të mund të pëlqejnë këto fotografi të reja të princeshës Charlotte, sa i ka shijuar edhe ajo”,- shkruhet në Instagram.
Charlotte Elizabeth Diana në fotografi shfaqet e ulur në divan, ndërsa luan me një pelush dhe shikon me kuriozitet objektivin e aparatit. Ka veshur nj fustan me lule dhe një triko rozë, me dantellë të bardhë tek qafa.
Fotografitë janë realizuar në fillim të muajit nëntor dhe janë shkrepur në shtëpinë e tyre në fshatin Norfolk, siç kanë specifikuar vetë ata në Instagram./tesheshi.com/
