Disa orë pas zhbllokimit të situatës politike në Shqipëri me arritjen e konsensusit të lodhshëm për votimin me unanimitet të reformës në drejtësi, paqja politike është arritur dhe në Maqedoninë e trazuar prej muajsh.
Në Shkup u arrit pakti i shumëpritur ndërmjet përfaqësuesve të katër partive politike, nënshkruese të Marrëveshjes së Përzhinos, në lidhje me kompetencat e ministrit të Brendshëm, që ishte çështja e fundit për të cilën përfaqësuesit nuk gjenin karar mes vedi.
Këtë informacion e ka komfirmuar edhe ambasadori amerikan në Maqedoni Xhejms Bejli, ndërsa detajet e marrëveshjes do të publikohen më vonë në faqen e internetit të përfaqësisë së Bashkimit Evropian.
Kështu pra, dy vendet fqinje me kriza të ngjashme, i kthehen stabilitetit. Ajo që i bashkon është dhe prezenca e Johannes Hahn, si ndërmjetës në të dyja, dje në Maqedoni e sot në Shqipëri. /tesheshi.com/
